Haerlemsche eerlycke uren, bestaende in korte sin-spreucken, kloecke antwoorden, en vreemde bejegheninghen

Gy Beest segtmen tot een wraet, en hier strecktet tot maet.

[p. 139]

HEndrick Loritus een gheleert Switser, op een Maeltijt van een drinckaert een groot glas toe gebracht zijnde, op uyt te drincken, seyde hy, waer voor siet gy mijn aen? Den anderen antwoorde, voor een fraey Man: Daer op voegde Loritus: Wel so wil ick sulckx bewijsen, dat ick niet onfraey &c. ben, als mijn Hont, want die drinckt niet meer als hem lust.