Haagse liederhandschrift

97 [A] Noydeken zeyt dit

Noydeken zeyt dit

Gonst is alre gaven groet,
Want si en heeft genen genoet.
Mit gonsten namic eene bone
Vyl liever dan des keysers crone,
Ist als ons dese wise seyt:
Die mennege is, die alle dinc weecht.
Die mennege is in alle werken
Boven alle dinc te merken.
Meyninge, die men binnen dreecht,
Dat is die alle werke weecht.
Nader meyninghen is te wegen,
Hoe dat alle dinc is gelegen.
Mi is ontfenclec wat ghi doet,
Want u meyninge die is goet.

Explicit

[B] [Had ich mi selven ende haer; 12 Verse, s. Nr. 45]

[fol. 56ra]

 

Explicit

 

 

 

[C] Die sinen liefsten vrient misdoet,

 

Aen hem selven die en is niet vroet.