|
| |
61. [Eynen pelgrym mÜede ende cranch]
Eynen pelgrym mÜede ende cranch
Vant ich, des en is niet lanch,
Der aen dem wuysten wolde zas,
Onde gode genedechlijche bas,
5[regelnummer]
Das her ziin liden wolde erstoren.
Siin clage was iemerlijc tse horen,
Onde in dem clagen, das her scree,
Hi rief dijche: "o wee, o wee,
O wee, o wee, wat's myr ghedayn,
10[regelnummer]
Das ich om niet gheghangen hayn
So mennegen berch, so menne[n]gen gront,
Onde verteert so mennich pont!
Ids waer een rijchen man tse zwaer!
Onde hayn verloren vil mir jaer,
15[regelnummer]
O wee, o wee, elendich man!
Ich was mÜede, doe ich begaen
Tse comen in dit angero!"
Doe sprach ich: "Wye quam its toe,
Her goet man, wildir's mer besceiden?
20[regelnummer]
Ir claget dem wech mit grosen leyde
Wat bedevaert hayt hir ghescaft?"
He sprach: "owe, ich waert verraft,
Das moys ich gode, dem heere, clagen.
Doe ich was starch onde jonc van dagen,
25[regelnummer]
Quam eyn pelgrim tso mich,
Onde bad mich so vruntlijch,
Das ich ginge met em gebede;
Hi wilde mich leyde tso der stede,
| |
| |
Da ich groys ghenade vonde,
30[regelnummer]
Me dan he ghespreken konde.
Soe seer begheerde ich der genaden,
Das ich hem volgede omberaden
Dorch mennich walt, dorch mennich lant,
Das mir was wilde onde onbekant,
35[regelnummer]
Onde had in kommer menge letze,
Menghe kalde onde menghe zwetze.
Das was alet eyn cleyne dinch,
Deywile der pelgrym met mer ghinch;
Onde he mer gaf ziin zuetz woert,
40[regelnummer]
So volgede oph ghenade voert,
Onde der arbeyt ducht mich licht.
Nu hayt her over mir bericht,
Onde is mit zorne van mir gekeert,
Der pelgrym, dier mich hayt geleert
45[regelnummer]
Vyl me zorghe, dan ich kÜnde.
Owe, o wach der leyder stÜnde,
Das ich den tuusscher ye gheloefde,
Dey mer zus ye van vruden roefde,
Onde lidens vil gescaffen hayt,
50[regelnummer]
Das ich en weys ghenen rayt.
Owee, o we, wat's mir gesciet!
Deyghenen en vinde ych alles niet,
Dey ich hem hoerde diche prisen,
Onde mich kan gheyn da gewysen,
55[regelnummer]
Noch in kan nicht heym geraechen,
Des moys mijn vrude mit leyde zwachen;
Sus gha ich dus in elende,
Dayr ich nemmer uus en wende,
Noch nemmer danch noch loen en vinde;
60[regelnummer]
Des siin bedrueft mer dey zinne,
Onde wensche dich om dem doet!
Weer ich tser heyme voir den noet,
Want et is een evel spel!
Och der tuusscher is so vyl fel,
65[regelnummer]
Dey goede pelgrym scinen,
Onde hem mit valschen liste pinen,
Wye si dem mennegen mogen verleyden,
| |
| |
Onde sonder reden van hem sceyden.
Id siin wal man ond wijf, die plegen
70[regelnummer]
Luden tse leyden onderweghen,
Of die sij sleften achterlande.
Den doet hadden si wol verscult,
Want si mit groser onghedult
75[regelnummer]
Doen menneghen lijf onde goet vertzeren.
Dey sich in vruden sullen gheneren,
Of men zi heyme lyes bliven,
Ich rade man onde wiven."
Mittyen keert ich van dem man,
80[regelnummer]
En weys, wie ich mich niet verzan,
Was ghenade dat he begherde,
Mee die claghe was eme herde.
In dem leyde lies ich eme zitzen.
Uus dem sinne, uus dem witzen
85[regelnummer]
Ducht he mich zo zuver wesen,
Het weer gheluch, mucht he genesen!
|
|
Auteursrecht onbekend