De Gulden Passer. Jaargang 60

In spe fortitudo.

107.

Cornva qui tendit, volucres iraq́ue sagittas

Mittere in aduersum nititur exitium:

Altera pars aegrè cedit, durissima cherda est,

Laxa nec infractum sternere tela queunt.

Assistens quidam è sociis animum addidit ausis,

Et monet arcum vti totum in sua vota trahat.

Perfer & obdura, reliqua dum parte sequatur,

Ille ait, hoc facimus, munera digna feret.

Commoda qui cupiunt cunctorum, audentq́ue nefandum

Corripere, inuexit quod mala turba, scelus,

Auxilio adiuti diuino coepta remittunt

Haud leuiter, quamuis praepediatur opus.

Et mora nil animos frangit, sed firmat in omnes

Euentus: tales quid meruere Duces?