De Gulden Passer. Jaargang 60

[p. 76]

⁺ Physica & Ethica,
Ioan. Aicholtz medico.

+ 150, 151.

106.

Natvra exercet tectis indagine rebus

Mentem, ne cuiuis cognita mox pateat.

Nempe parens sese vestiuit nubibus atris,

Sollicita vt foetus cuncta requirat ope.

Id studium praestat, vigil & solertia tandem:

Sit quaedruplex mundi quòdue reuelat opus.

Huius alumna sed est praxis, mandata capessens

Notitiae, ac licitis vsibus apta nitet.

Socratis haec placuit studio, quid enim sine rectis

Profuit exemplis Philosophia vetus?

Haec sterilem nutrit Platanum, dat mitia poma

Altera, queis oculos aridum & os reficis.

Viuimus in dubiis, breuis est & vita, sodalis,

Occupet hanc prudens vtilitate morum.