De Gulden Passer. Jaargang 60

110. Apta recipiunt.
Carolo Clusio.

Tant plus le chesne est caché dedans l'eau

Plus il durcist & tant plus il est beau:
Ce qu'à tout bois n'est donné de nature:
Car en nageant il chet en pourriture.
Aux vns la mauue est sorte à digerer,
Qui vn plus dur peuuent bien endurer.
Mesme la caille arrache la cicue,
Qui peur mortelle aux autres est cougnue.
Le medecin ne peut tousiours guarir,
A la nature il conuient recourir.
Iamais Thersite eschangé ne peut estre,
En vn Vlysse: Achille fist paroistre
Par dessus tous la granduer de son coeur,
Le perroquet est fort bon appreneur:
Le boeuf est lent, & pegase est agille:
Bref on ne peut faire vne chose vtile
De ce qui est de soy-mesme imparfaict,
Et de tout bois vn Mercure n'est faict.