De Gulden Passer. Jaargang 60

109. Dum viuo prosum.

Ie suis le chesne ia brisé,

Et esclatté par le tonnerre,
Par la pourriture mangé
Ie ne fais profit sur la terre.

Toutesfois pendant que le temps

Et la douceur de la nature,
Bien que ie fusse chargé d'ans,
M'ont laissé prendre nourriture:

Ie n'ay failly de profiter

Iettant tousiours nouueaux feuillages,
Ie n'ay failly de te donner,
O laboureur, de mes branchages.

Et bien que ie soys presque mort,

Si est ce que ie te rapporte
Le profit du rameau qui sort
Du haut de sommet que te porte.

Si les hommes fai joyent autant

Encependant qu'au monde ils viuent,
Vn chacun seroit plus content
De ceux qui verité poursuyuent:

Et Dieu qu sied au haut des cieux

Fauoriseroit l'entreprise
De l'homme qui est soucieux
Que Dieu sa fortune conduise.