De Gulden Passer. Jaargang 58-59

[p. 87]

⁺ Dum potes viue.
Ad Achillem Bochium, tanquàm parentem, de sepia.

+ 76, 77.

54.

Dvmme venatur, sequitur piscator auarus,

Decipio effuso prompta liquore manus.

Obscuri latices me condunt, cernere tectam

Atramenta vetant, abdita tuta nato.

Sic quibus in promptu modus est defendere vitam,

Cur non effugiunt, seq́ue tuentur ope?

Donex qui caelo hanc animam demisit ab alto

Nos vocet, ac tenebras mutet honore graues.

Displicet immatura Deo mors, nulla potestas

In vitam, supera quod datur arce, tibi.

Polypus euadit, vario dum ad saxa colore

Se induit, atque alias iniicit vsque moras.

Tu qui praestiteris tantum, possisq́ue, libenter

Ingenij nobis des monimenta tui.