De Gulden Passer. Jaargang 58-59

[p. 88]

⁺ Generosis DD. Marco & Ioanni Fuggeris fratribus.

+ 78, 79.

55.

Lilia Fuggeris donans certissimus autor,

Haec, ait, aeternùm non modò vere tuli.

Quidquid & addiderit virtus, tempusq́ue serenum,

Compositis sit idem ius, sit honosq́ue volo.

Spes fuit, hanc cumulant virtus, & fama perennis,

Arma domus propria haec nobilitatis habet.

Diuitias virgo dedit, haud temerarius error

Fortunae, idq́ue docet largior vsus opum.

Nam quibus hae causis veniunt, commercia digna

Orsibus, & laudis nomen habere solent.

Viuite concordes linguarum dotibus aucti,

Crescite multiplici semper honore pares.

Inuideat nemo, noceat minus osor iniquus:

Assiduos meritis vesper, & ortus amet.