De Gulden Passer. Jaargang 58-59

Cur sues cancris vescantur.

44.

Svs capitis curat grauiorem saepè dolorem,

Dum cancros fluuiis qui generantur, edit.

Collige verborum quae sit sententia paucis,

Singula nam prosunt moribus apta bonis,

Qui vitiis sese dedunt, & praua sequuntur,

Ad frugem nunquam mens nisi versa redit.

Est opus inflectat vitam contrarius ordo,

Atque gradus retro, quomodò cancer, eant.

Haec medicina leuat lutulentos nectare morbos,

Consilio vt liqueat poenituisse mali.