De Gulden Passer. Jaargang 58-59

151. Inwendigen twist ende nijdt.

Alle gewelt oft rijc dat van sijn eygen cracht

Wort geplaecht, en thuys dat vol is van twist en gekijf,
Dat wort allenskens door discoort te niet gebracht,
Want vier en vlam wt haren schoot springt, mits sulc bedrijf
Daerse al in boosheyt zijn euen hertneckich en stijf,
Waer door theel huys haest ontsteken wort en verbrant,
En voor de deure raest Mars mits sijn wreet motijf,
T'verberter al, want niemant aen eenigen cant
En isser diet blusschen wilt met water abondant,
Twist brengt lieuer vier tot vier, ia oly mede,
En al wat de vlam meer mochte stercken vailiant.
Die lustich metten sijnen wilt leuen in vrede,

[p. 46]

 

Die verdrijue alle gekijf van sijn heertstede.

 

Gheen fenijnich serpent en is soo dootlick

 

Als dat malcanderen te dooden heeft een zede,

 

Dies wijsheyt haer hier tegen met const stelt grootelick

 

Verdrijuende sulc quaet met speecsel blootelick.