De Gulden Passer. Jaargang 58-59

141. Inden kuer is ouervloedicheyt.
Tot Marcum Laurinum Heere van Watervliet

In eenen hof vol van alderhande bloemen lustich

Sit hier een maget in schoonheyt excellent,
De welcke willende eenen crans maken rustich,
Twijffelt wat bloeme van alle die haer sijn ontrent
Sy nemen wilt, waerom sy haer keert en went
Tot d'een en tot d'ander niet wetende welc oft waer
Elc bloeme haren hoet sou best vercieren gent,
Dies den keur d'werc is belettende, dats claer.
Wat batet sonder verstant te hebben kosten swaer
Van goude, ghy en siet wiement best geuen mocht?
Hoe veel maecter oueruloedicheyt arm diet door vaer
Niet en gebruycken, oft verquisten onbedocht?