De Gulden Passer. Jaargang 58-59

126. D'ontaerdende.
De Luytekoker spreect.

Niet dan t'fatsoen en heb ic van een luyte,

Besluytende in my de clinckende snaren,
Die mijn niet en zijn, des ic ooc geen stem en geef uyte.
Zijnde haers gelijc gemaect tot een bewaren
Och had my de meester eenigen vois sonder sparen
Ghegeuen, so datmen my so schandelic int vier
Niet en wierpe, gebroken zijnde in corte iaren.
Die hen beroemen van hen ouders en geslachte fier,
En selfs metten wercken die niet en volgen een sier,
En zijn maer een schaduwe met al haer edelheyt
Van haer voorsaten, diese met deuchden hier
Verworuen hebben, ende door sulcken feyt
D'edele altijt sijns selfs eere soect en verbreyt
Dies men met recht van Scipiades hant track
Den rinc daer in sijns vaders forme vaillant stack.