De Gulden Passer. Jaargang 58-59

117. Exempel vande getrouwicheyt der honden.

Wat grooter cracht de honden hebben int spueren,

En hoe getrou datse zijn haren heere,
Mogen mijn twee honden betuygen sonder trueren,
Bombo geheeten, en Madel die seere
Sijn moeder gelijct, welcke my nemmermeere
Te water noch te lande en hebben verlaten.
Vrancrijc geeftse voort gebrocht ionc en teere
Met my hebbense onwetens de Roomsche straten
En de stadt Napels gesien schoon bouen maten,
Ooc mede het beste deel der duytscher landen goet,
Met het Nederlandt, d'welc is seer machtich van staten.
En corts hope icse te leyden met voorspoet
In mijn thuyswaert roepende vaderlant soet.
Weert zijn dees honden vernaemt te zijn, dats claer.
En wie sou oock seggen, datter geen verstant vroet
In de beesten en waer die ons so altijts volgen naer?