De Gulden Passer. Jaargang 58-59

98. Gheen quaet alleen. Oft,
Als een goet man wech is, so comender duysent in stede.

Hoewel dat Hercules alle monsteren fel

En wilde dieren ombrocht met sijnder hant,
Nochtans en dede hem geen beeste meerder gequel,
Dan t'serpent Hydra dat hy inden poel Lerna vant,
Wiens hoofden wassende waren abondant
Int stede daer hijer een af had gehouwen.
Niet anders en gebeuret aen elcken cant
Den ongeluckigen dien sonder flouwen
Alle dage aencoemt een nieu benouwen:
En als sy sijn van d'een quaet ontslagen,
So vallense in meer ander drucs en rouwen.
Sulcks machmen ooc seggen, van die door snijts lagen
Ghedoot zijn, diemen van elcken hoort beclagen,
Ghelijck elck wilde spreken van Cicero claer.
Oft van die de processen quellen nachten en dagen,
Daer als d'een gheeynt is wel thien ander volgen naer.