De Gulden Passer. Jaargang 58-59

20. D'oorsaken moetmen ondersoecken.

Vraechdy waerom men dit dus gebroken liggen siet
En euerecht wilt aengesien wesen?
Dats, om datmen t'fondament soude achten yet
D'welck door de hoochte van elcken gepresen
Verduystert wort, hoewel datse door desen
Blijft staende: dit zijn de fondamenten warachtich
Der wercken die door outheyt wtgelesen
Verciert zijn: Dus en wilt niet onbedachtich
Beroert worden door de formen t'gemeynte slachtich,
Maer ondersoect aldermeest d'oorsaken snel,
Want sulcs van noode is om der gelijck te maken wel.