De Gulden Passer. Jaargang 58-59

19. Den Raet.

Sonder wetten wijs en isser oyt yet stercs beuonden:

Met rade moetmen in peys en in oorloch leuen,
T'vergaet licht dat sonder dien wort onderwonden
Tsy bestant oft crijch die elcken doet béuen.
Inden leger dient leeringe en raet sonder sneuen.
Thuys wortmen daer door oock alderbest bevrijt,
Want lichtelic wort eendracht door twist verdreuen,
Ooc onder vrienden, ten sy dat ghijt door wijsheyt mijt
Hierom heeft Athenen voor haren leytsman inden strijt
Periclem genomen, en Sparten Sopoclem vroet.
Peys is d'alderbeste in deser werelt wijt,
Door haer comt alle ouervloedicheyt en blijschap soet.
Dus dan so moetense leuen in voorspoet
Die oyt letteren beminden en goey leeringe.
Der wijsen raet is weerdich alle eeringe.