De Gulden Passer. Jaargang 58-59


14. Grooter vermangelinge dan Diomedis ende Glauci. Tot Paschasium Hamelium. Onlancs had een Astrologus geseyt claerlick (Hebbende den Hemel besien, na t'sprincen bevel) Dattet reghenen en donderen sou swaerlick:
[pagina 24]
Waerom dat al den Edeldom was in groot gequel, Die doen niet en mocht gaen iagen, door sijnen rel. Maer alsser nog regen en quam, noch dondere, So maecte hem yegelick op den wech seer snel, Vloeckende den valschen Meester elck bysondere. En de Prince, dien dit gaf groot wondere, Vraechde int wederkeeren eenen lantman vroet, Die de clotten met sijnder eghen bracht t'ondere, Oft niet corts en sou regenen? dies hy hem seer soet Antwoorde, in twintich daghen, O Prince goet, En dorfdy niet sorgen voor eenigen reghen nat. D'welck so geviel: warom de Prince metter spoet Dese des Sterrekijckers gereeschap wter stat Opt dorp dragen tot diet geraeyen hadde bat, En beual dat hy int stede van desen, sou Hebben stantmans gereetschap, om een boer te wesen rou.