De Gids. Jaargang 120

[p. 98]

José-Maria de Heredia
Die veroweraars

Soos aasvoëls styg uit walging vir die nes,
swerfsiek, hooghartig, sat van die ellende
van huis en haard, het aanvoerders en bende
gekoers uit Palos na die droomgewes.

Die faam van Cipangó lok hul, belus
op geelryp erts wat in sy bodem skuil;
die fel passaatwind laat die seile puil
na die verborge Awendland se kus.

Snags in die Trope word hul heldedroom
deur glansende visioene aangevul,
opgeefsels van die vreemde fosforsoom;

Of, as hul oor die blank karveelboeg buig,
betower deur die horison, merk hul
hoe nuwe sterre uit die see opstyg.

(Vert. Elisabeth Eybers)