De Gids. Jaargang 120

[p. 97]

José-Maria de Heredia
Aan 'n seëvierende veldheer

Versier met beeldhouwerk jou erepoort:
barbarehoofde krom onder die juk,
skeepsnawels, wapentuig ru afgeruk,
die slawestoet met al wat daarbij hoort.

Geteel in krot of keiserlike saal,
laat elke eerbetoon wat jou mag tref
gebeitel word in lyswerk en reliëf
vóór die vergetelheid jou agterhaal.

'n Klimoprank kan 'n gedenksteen splyt;
die Tyd swaai onversoend sy sens. Hoe sal
jou rugbaarheid gestut word teen verval?

As skerwe van die blinkwit blokke wyd
verstrooi lê waar die gras jou roem versteek
sal hulle dalk 'n boer se sekel breek.

(Vert. Elisabeth Eybers)