De Gids. Jaargang 120

[p. 96]

José-Maria de Heredia (Frankrijk)
Die koraalrif

Die ondersese son wat heimlik gloei
verlig die dieptewoude van koraal
waar diere bloedloos en blomvormig straal
en plante deur die louwarm holtes roei.

See-egel, langhaarwier, mos, anemoon,
alles wat broom- en jodiumtinte sprei
oor kronkelige sterkoraal, herlei
die vloer tot dofpers, weelderige patroon.

Sy skubbekleed se blink glasuur geblus,
vaar deur die takke 'n vorstelike vis.
In die deursigtige skadu dryf hij traag;

dan, met 'n vonkelende vinslag, stuur
hij plotseling deur die kristal asuur
rillings van perlemoer, goud en smarag.

(Vert. Elisabeth Eybers)