Germania. Jaargang 4

Glückwunsch for Transvaal
von Eduard Jurgensen (Friedenau)

Mit Swinnel un utgestunkene Lägen,
Mit Hinnerlist un gemeines Bedragen,
Mit nix as verfluchte Fisematenten,
Mit ‘diplomatische kordiale Ententen’
So dedst Du, old England, den Krieg beënnen,
Den Du wacker hast föhrt mit Sengen un Brennen,
Mit Kinnerschännen, mit Deifstahl un Murd -
Dorüm hür' Du vun mi noch dat letzte Wurd.

Vun Harten will ick Di gratuliren:

An Gold un Riekdom sallst Du krepiren!

De Hochmaud fall Di de Seel upblasen

Bet Du platzen deihst! - Vör Freud' sallst Du rasen,

Den Spleen sallst Du krigen noch tein Mal so dull

As Du lang em all hadd hest, Du brave John Bull!

[p. 632]

 

Un din König, old England - 't is uprichdig meint -

 

De sall glickfalls krigen, wat hei verdeint,

 

En schönen Dod sall Uns' Herrgott em gewen,

 

De würdig afslütt sin würdiges Lewen;

 

Nich up't ruge Schlachtfeld! o nee, in 't Bedd,

 

Wo hei all so mennige Freud' hadd hett, - - -

 

Doch Kitchener, de Held, de gor tau gaud

 

Tau baden verstunn in Minschenblaud,

 

Den sall, sammst sine runde Milljon,

 

De Du em hest schenkt tau'n Sünnenlohn,

 

De Düwel braden as riken Sünner,

 

Jüst as hei brad't hett arm' Burenkinner! -

 

Dat is min Glückwunsch, Du Engelsmann!

 

Hei's ihrlich meint; dat sühst Du em an.

 

Du hest uns tworst so oft all belagen,

 

Hest Gott un de Welt all so lang bedragen,

 

Doch wenn Du Di nu ok sülwsten bedrüggst

 

Un in Dine eigene Tasch' rin lüggst,

 

Denn, leiwe John Bull (nehm' mi't nich krumm)

 

Denn - büst Du ganz äwer de Maten dumm!

 

Vel Geld liggt deip in 't Land vun Transvaal,

 

Dat Di nu gehürt; doch deiper hendal

 

I iggen ok noch Gewehren un Pulver un Bli,

 

De de Buren verstäken heww'n! gläuw Du't mi,

 

Un noch vel deiper dor liggt de Hass

 

Un äwer den Hass dor wasst kein Gras!!!