C X I X. Van den Heylighen Igatio, instelder der Societeyt Iesu.
Van Godt zijt worden uyt erwelt,
O Ridder goet, o edels bloet,
Ghy zijt een waerer Capiteyn,
Doet soecken Godts eer alleyn,
V loven wy met herten en mont,
V prijsen wy tot aller stont.
Van uwe jeught tot aen u endt,
Dat herts toe krieg aengewent,
Daer in ghy pleeght soo Ridderlick,
Den vyandt onder oogen te gaen,
V dapperheyt ist wel bekant. V loven, etc.
Den krijgh die ghy hier furen dedt,
Ist deels wereltlijk, deels geestelijck geweest
| |
In elcken t'waer by dertigh jaer
Hebt u geoeft, met grooten roem,
Te lest erlangt die eeuwige kroon. V lov, etc
Hoe wel ghy uwe dapperheyt
Der werelt getoont in menigen strijt,
Doch hebt ghy meer, prijs, lof en eer,
In lesten strijdt der geestelijck waer,
Erlangt welcks openbaer. V loven, etc.
O starckes gemeyt, o dapper herts,
Den alle pijn, drufsal, en schmerts,
Schenen gering, als slechte dingh,
V geen vyant overwinnen kan;
Doch soeckt ghy te helpen yder man. V loven, etc.
Hoe schoon als der Sonnen schijn,
Al uw geweer en wapen zijn,
Daer met u Godt gezieret hadt,
Met welcken ghy te niet gemaeckt
Al uwer vyanden sterckt en macht. V lov, etc
O Ignati, ghy stercker helt,
V prijsen moet die gantse welt,
Vwen wandel reyn, der liefden schijn
En aller deughden hellen glants,
Verquickt onsere herten gants. V loven, etc.
Staet ons doch by, alle tijt getrou,
In anghst en noot, verwerft van Godt,
Dat geen bedrogh noch falscher list,
Ons schaden mag tot aller list,
Verlange ons in lester noot,
Als wy ons ringen met den doot,
Dat wy bereyt, met grooter vreucht
Mogen uyt dese jammer dael,
| |
Auteursrechtvrij