Gheestelijcke Harmonie


X. A solis ortus cardine. VAn opganck der klaer Sonnen schijn, Al tot des werelts eynt en termijn, Soo laet ons loven Christum schoon Der reyner Maegt Maria Soon. Den salich Schepper aller ding, Beatus author Tooch aen een knechts lichaem gering, Het vleysch door 't vleysch hy vreyen wou Dat sijn schepsel niet vergaen sou. Caste parentis Godes genaed van Hemel groot, Sich in die reyne Moeder goet Die Jonck-frou droegh een Hemels pant, Dat die natuer was onbekant. Domus pudici Dat suyver Huys des lichaems zart, Seer haest een Sempel godes wart Die geenen Man oyt hadt erkant, Van Godts woort men swanger vant. Enixa Een moeder heeft gebaret doe, Den Gabriel bootschapte vroe, Den Joannes in't Moeders slot, Heeft aengebeden als sijnen Godt. Foeno jacere Hy lach in't hoy met armoet groot, Die harde krib hem niet verdroot Hy wort gelaeft met mellick daer, Die aller ding erneret waer. Gaudet chorus Dat Hemels choor verblijt sich seer, Die Engelen singen Godes eer, Den Herderkens wort oock vermelt
[pagina 21]
Den Heer en Schepper aller welt. Gloria Lof, eer, en danck sy u gesaegt Christus geboren van eener Maegt, Met den Vader en heyligen Geest, Die wy hier loven al om't meest.