Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

¶ Pestilencie ende orloghe in Italien.

Int laetste deel van desen iaere doen wast seer groote Pestilencie meest alle Italien duere, so dat sommeghe steden ydel worden

[fol. xxxvij.r]

nam volcke ende vloden nae Mylanen, daert doen niet en starf, ende des Keysers garnisoen hadde daer huer sercours, do dat dye fransoysen in namen die stadt van Pauien met sommeghe andere steden die si niet langhe en hielden, ende wierden weder van des keysers volck in ghenomen, so datter menighe scharmutsinghe onderlinghe gheuielen, ende menich man versleghen wardt maer die victorie was altoos meest aen des keysers sijde.