Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item corts daer na so es tgheheel heyr vanden Keyser ende den coninc van Inghelant ghetrocken voor dye stadt van Doornicke]

Item corts daer na so es tgheheel heyr vanden Keyser ende den coninc van Inghelant ghetrocken voor dye stadt van Doornicke, ende hebben die beleyt, maer die Doornickers gauen hem vppe by minlijcken accoorde sonder groote weere te bieden, wan si vreesden seer in dien dat mense met stormender handt ghewonnen hadde, dat si lijf ende goet verloren souden hebben ghehadt, midts dat die duytschen ende die Inghelschen grootelick vp hem verstoort waren, omme die faertsen ende schimpen dye si vpten Keyser ende coninc van Inghelandt ghemaect hadden, ende ooc anderen redenen.