[Item vp sinte Lucas dach den.xvi.sten in Octobre]
Item vp sinte Lucas dach den.xvi.sten in Octobre, so vertrack die hertoghe van Zassen vander Sluys duer toude zwijn te scepe tot voor die poorte van Brugghe. Ende ter speypoorte sijnde so quam hi te peerde met schoonen state, ende met sijnen sone neffens hem, ende alle sijne heren ghinghen neffens hem te voete met eenen herault voor hem, verwapent met een tornikeel, met sijnder wapene. Ende die Baliu, Schouteeten ende die wet, reden yeghens hem, ende hi reedt also tot int hof van Chaerloys, daer mijn here van Nassauwen ende meer ander heren blijdelicke hem ontfinghen, danckende god vander gracie die hi verleent hadde dat hi ende mijn heere Phelips van Rauesteyn so vriendelic veraccoordeirt waren.
Auteursrechtvrij