Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Vp dyen seluen tijt so waren ghesonden sekere ghedeputeirde oude notabele mannen in Casant byden hertoghe van Zassen]

Vp dyen seluen tijt so waren ghesonden sekere ghedeputeirde oude notabele mannen in Casant byden hertoghe van Zassen om te hebbene bi sijnder ghenade vanden Prinche, ende begheerden te latene.xij.persoonen in ostaedgen tot dat die penninghen ende alle dye pointen vanden prinche vulcommen waren. Ende vp den seluen tijt so was den paeys huytgheroupen in Casant ende oock int heyr ter Mude.

[Vp den laetsten dach van Hoymaent]

¶ Item vp den laetsten dach van Hoymaent soe was te Brugghe ter hallen huyt gheroupen den paeys van Gendt tusschen die welwillende vander stede van Brugghe ende den Roomschen Coninck ende den hertoge van Zassen als Stedehoudere ende regent

[fol. CC.lxxvi.r]

van Vlaendren alle manne vry varende ende keerende, ende coopmanscepe met malcanderen doende gelijc van ouden tijden. Ende vp den seluen dach was den voorseyde paeys te ghendt ooc huytgheroupen inder ghelijcke als voorseyde es