Hoe een ghemeene dachuaert gheordonneirt was te houdene binnen Mechelen, daer die van Ghendt, Brugge ende Ipre, met haerlieder ghedeputeirde met seer schonen state naer reysden.
[Vp den.xiiij.sten dach van Octobre]
ITem vp den.xiiij.sten dach van Octobre so was gheordonneirt eene ghemeen dachuaert binnen der stede van Mechelen, daer alle die edele vanden lande vergaderen souden, ende ooc mijn here van Nassauwen, ende dit om eenen paeys te vercrijghene met mijn heere van Nassauwen ende dye van Ghendt. Ende dye dachuaert soude dienen den.xv.sten in Nouembre.
[Vp den.x.sten dach in Sporcle]
¶ Item corts daer naer vertrocken die van Ghendt, Brugghe ende Ipre met haerlieder ghedeputeirde, ende alle andere steden met seer schoonen state naer Mechelen ter voorseyde dachuaert. Ende si lieden daer commen sijnde, ende oock alle die heeren versaemt, so was die dachuaert verstelt tot vp den.x.sten dach in Sporcle.
Auteursrechtvrij
