Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[fol. CC.lxxij.r]

[Item.xxx.in Hoymaent so was te Brugghe onthooft ende ghequaertelleirt, een persoon gheboren huyt Zeelant]

Item.xxx.in Hoymaent so was te Brugghe onthooft ende ghequaertelleirt, een persoon gheboren huyt Zeelant, die welcke was commen van der Sluys, ende hilt hem binnen der stede van Brugghe acht daghen oft meer, om binnen desen middelen tijt eenighe te hemwaert te ghecrijghene ende also eene vergaderinghe te maken omme doot te slane dye wakers van sinte Kathelijne poorte, ende dan soude tgarnisoen vander Sluys teender seker huere hebben gheweest binnen der kercke van sinte Kathelijne. Ende met sulcken liste hadden si meeninghe die stede in te nemene, ende souden hebben ghegheuen eenen roup Rauesteyn ende paeys.