Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item mer Enghelbeert van Nassauwe quam te Brugghe met schonen state]

Item mer Enghelbeert van Nassauwe quam te Brugghe met schonen state, ende was ghelogiert int huys van Rauesteyn, ende dye ghedeputeirde van mijn heere van Nassauwen waren ghelogiert tot Ian canneels achter doude halle. Ende waren dese personen, mer phelips van Nassauwen monseur de Molines

Die president van Vlaendren

Ende Clays van Delft

[Den vierden dach van Decembre]

¶ Dese quamen ouer die marct, daer dye vander wet metsgaders die poorterye, onder eene opene banniere, ende die voorseyde poorterye ende also wel dye ambochten begeerden alle paeys. Ende binnen den seluen auende quamender.ij.wagens met buetere ende eenen waghene met vissche, so datmen eenen scheluisch diemen smorghens cochte.xxxij.groten met ghelijcken ghelde, sauens hadde om viij.groten. Ende dit ghebuerde den vierden dach van Decembre.