Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item in die stede van Brugghe was doe also groten noot ende ghebrec van broode]

[Den xxvij.sten dach van Octobre]

Item in die stede van Brugghe was doe also groten noot ende ghebrec van broode, wantmen die lieden sach doot dringhen voor die backers dueren. Ende grote menichte wasser in Brugge die dicwijle sonder eten slapen ghinghen, ende dye ruyters dye in garnisoene laghen namen altemet broot in dye backers huysen, dat die poorters of dambochtslieden hadden

[fol. CC.lxvi.v]

ghedaen backen, maer si leyden tghelt daer voren dattet hem lieden dochte weerdich sijnde. Ende dicwijle liepen die leden eenen dach lanc eer si broot ghecrijghen consten, aldus gheduerdet eenen langhen tijt, twelck deerlick om sien was, want daer was groote aermoede binnen Brugghe onder tschamel volc. Maer noch en scriue ic niet half also vele alst was, ende elc hilt sijn broot also nauwe als hy conste. Want een hoet tarwe galt als doe ten diersten was.xx.schilden, ende noch en constment niet ghecrijghen dat was den meesten noot van al. Ende dese dierste ende qualick ghecrijghen began den xxvij.sten dach van Octobre. Anno.M.iiij^c.ende.xc.