Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item in dyt seluen iaer van.xiiijc.ende.xc.vp onser vrauwen auent half Ougst]

Item in dyt seluen iaer van.xiiijc.ende.xc.vp onser vrauwen auent half Ougst, so quam die grote gaerde vanden Henewiers voor Brugge, ende haelden daer eenen groten roof van beesten voor die stede, ende vingender vele lieden, ende trocken daer mede Toudenburch daer si haren legher maecten, ende lange bleuen liggende, ende quamen alle dage van daer roouen, branden ende pilgieren tot Brugghe voor die poorte. Ende in dyen tijt was een ghebot ghedaen al tvrye duere, dat nyement vp die verbuerte van sijnen lijue eenege vitaelgie en brochte te Brugghe want si meenden bi dien die stede te bedwinghene ende te ghecrijghene.