Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item achtervolghende die date als voren]

Item achtervolghende die date als voren, so was den.xviij.sten dach vander seluer maent te Brugghe dye wet vermaect,

ende dat huyter name vanden coninc vanden Romeynen. Ende waren in eede ghestelt dese naeruolgende personen. Ten eersten was ghemaect ende ghestelt Schouteeten van Brugge mijn here Ioos de baenst, ende Baliu mijn here van Huytkercke. Voort so waren ghemaect Burchmeesters, Schepenen, Raet van beede die partyen die gheweist hadden omme te bet alle saken neder te legghene.