Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item den paeys ghehuyt ende ghesloten wesende]

[Vp den.viij.sten dach van Octobre. Anno.M.iiij^c.ende.lxxxix]

Item den paeys ghehuyt ende ghesloten wesende, soe veranderden dye gaernisoenen huyt Vranckerijcke, aenghesien dat sy die stede van sint Omaers alsoo quijte waren, ende nyet weder en consten ghecrijghen, leyden vele laghen ende subtijlheden daer naer, maer en daden gheene faeyten van orloghen in Vlaendren, midts welcken byder ordonnancie vanden coninck van Vranckerijcke gheordonneirt ende ghesloten was, metsgaders dat den paeys vp goede condicie stoet, dat alle die Fransoysen souden ruymen huyten lande van Vlaendren ende vertrecken. Ende dat ghedaen sijnde was den paeys terstont ghesloten ende gheconfirmeirt. Ende dyt was vp den.viij.sten dach van Octobre. Anno.M.iiij^c.ende.lxxxix.