Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item onse Capiteynen waren]

Item onse Capiteynen waren mer Phelips van Rauesteyn, mijn heere van Peenen, Ian van Spiers, ende mijn here van Fletren, ende een here huyt Scotlant dye die coninc van Vranckerijcke ghesonden hadde ten sercouse vanden vanden lande van Vlaendren ende onsen natuerlicken prinche. Ende als doe was mijn heere van Fletren ghemaect Capiteyn van Berghen om dat te bewaerene huyter name vanden hertoghe Phelips Ende men seyde dat monseur descordes Vuerne ooc inne hadde behouden lijf ende goet, ende si tracteirden omme Burburch daer mijn here van Meerwede in gheuloden was ooc inne te ghecrijghene.