Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den.x.sten dach van Ougst achteruolgende]

Item vp den.x.sten dach van Ougst achteruolgende, so quamt dat byden consente vanden lande van Vlaendren ende van mer Phelips van Rauesteyn ons generael capiteyn vanden lande voorseyde, dat die drie leden slandts van Vlaendren, me vrauwe de Burchgraefnede van Vuerne thuerer bede, consenteirden dat si soude commen te Brugghe, het welcke alsoo ghebuerde vp den voorseyde thiensten dach van Ougst, ende alle haer medepleghers quamen mede in Brugghe, want si es Burchgraefne van Vuerne, ende van Vueren ambocht met datter aen cleift.