[Vp den.xix.sten dach van Decembre]
ITem dyt al gehoort vanden heren vanden parlemente, so wart dye voorseyde Lodewijc verlaten van sijnen Conincstabelschepe, ende van alle den officien die hy in Vranckerijcke hadde, ende hi worde ghedeclareirt crimineil, omme welcke cryeme hy worde ghevonnest ter doot, ende sijn hooft te verliesen vp een schauot, vp die plaetse a greue. Maer omme die hoocheyt vanden huwelicke dat hy voortijts ghedaen hadde, so deden die heren vanden parlemente hem die gracie, datmen sijn edele lichame begrauen soude in die heleghe eerde, naer betamen. Ende dit vonnesse was openbaerlicke ghepronunciert in tparlement, te Parijs, vp den.xix.sten dach van Decembre.Anno.M.iiijc. Ende.lxxv.bi mijn here Pietre doryole, Ruddere ende Cancelier van Vranckerijcke.
¶ Item dese voorseyde here onthooft sijnde in presencie van grooter menichte van volcke, want vele huysen waren die weeghen ende daken ghebroken, om dat so vele volcx daer vp clam om dye iusticie te siene. Ende die iusticie ghedaen sijne, quamen die broeders van den fremenueren, ende droughen hem weerdelic ter eerden ende begrouuene binnen haren conuente. Ende dyt naeruolgende Incarnacioen was ghemaect te Parijs in eewiger memorien.
Comes sancti pauli occubuit parisius
¶ Hoe dye Hertoghe Kaerle van Bourgoengien beleyde die stede van Nanchy, int lant van Loreynen.
Auteursrechtvrij
