Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

¶ Dit ghesciede int iaer.M.iiijc.ende lxix.

¶ Alsmen begonste te scrijuene.M.iiij^c.ende lxix. In die selue tijt sadt Hertoghe Kaerle drie daghen die weke te rechte, binnen sijnder stede van Bruessele, alle partyen selue aenhorende, alsoe wel aerme als rijcke, ende menich schamel mensche ghereescap doende, die lange tijden die Cancelrye gheuolcht hadden. Ende int seluer iaer, so track die prinche in diueersche steden, daer hi al omme eerlick ontfanghen was, als te Rijssele, sint Omaers, ende sonderlinghe Typre, daer hem ghetoocht was in stomme personaedgien, die hystorie van Gedeoen.