Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[fol. C.xxxvi.v]

[Hoe dye Hertoghe Kaerle van Chaerlois, Graue van Vlaendren Trauwede (binnen den Damme) sijn bruydt]

Hoe dye Hertoghe Kaerle van Chaerlois, Graue van Vlaendren Trauwede (binnen den Damme) sijn bruydt, die weerdege Princersse Vrau Margriete Shertoghen dochter van Iorck. etc.

ITem daer naer vp den derden dach van Hooymaent, quam die Bruydt binnen der stede vanden Damme, ende daer so traudese Kaerle van Chaerlois, den Graue van vlaendren, ten.vij.hueren vanden morghenstondt Ende dye Bisschop van Salsbry trauwedese beede. Ende hi dede die messe in Sbaliuus huys vanden Damme, inde eetcamere, die daer toe weerdelick bereedt was, inde yeghenwoordicheyt van eenen legaet van Roome, ende vanden Bisschop van Doornicke alst blijct bi tincarnacioen dat hier naer volcht.

CraChtICh CarLe

MargrIeten traVWede

¶ Die capitael letteren segghen tiaer vander brulocht.

¶ Dye cleyne letteren segghen dye houde vander bruyt.

¶ Die menichte van alle die letteren int ghemeene seggen die houde vanden brudegom.