Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend❧ Op die wise Al gaen wij metten naeycorf wt.Ghestelt als een oprecht goet colener/
bij. M. Ian de molener
1.
TE Bethleem int pleyn
Heeft ons een maecht verblijt
Van God certeyn
Is sy ghebenedijt
Wij sijn nu beurijt
Hier in dit aertsche dal
Als nu ter tijt
Soe sijn wij ghequijt
Van onsen sonden al.
2.
Tot haer was ghesonden
Die enghel Gabriel
Ende heeft haer ontbonden
Met soeten woerden snel
Doende des vaders beuel
Soe ick scriftuere versta
Seggende dese woorden mede
Tot Maria reyn van sede
Aue plena gratia. ||
3.
Dominus tecum
Maghet sonder blame
Den heere Ihesum
In dinen lichame
Suldy des menschen vrame.
Baren sonder pijn
Der sielen bequame
Daer bi verlost sal sijn
Voer thelsche quaet fenijn.
4.
Dese suyuer maecht
In deuotigher bede
Sprack feere versaecht
Ick en kende noyt mans sede
Denghel sprac hout v vrede
God wil dat alsoe si.
Doen sprac sy/ Ecce
Ancilla domini
Dese suyuer maghet vri.
5.
Dese moederlike dracht
Die baerde corts hier naer
Op een die coutste nacht
Dat licht der enghelen claer
Sonder wee oft vaer
Het beliefde God also
Dengelen songen Gloria claer
In exelsis deo
Die herderkens die waren vro
6.
Iesus wert besneden
| |
[pagina 299]
| |
Al opten achtsten dach
Onlancx daer na leden
Datmen Maria sach
So men ons doet ghewach
In drucken deerlijck sien
Met grooten gheclach
Moeste in Egipten vlien
Doer Herodes bespien
7.
Doent kindeken was
Derthien daghen out
Loefden hem op dat pas
Drie coninghen menichfout
Myrre/ wieroock/ ende gout
Sij hebben tkijnt gheeert
Thelsche verbout
In pinen verseert
Met vruechden is bekeert.
8.
Gods moeder doer v duecht
Verlost ons sondich ghebroet
Ieghelijck is verhuecht
Om dijn groote ootmoet
Troost ons, voersienige iuecht
Ende sijt ons behoet
Werckelooselijck ontwuecht
Ende brengt ons ter hoochster duecht.
❧ Hier eynden die Leysenen ende gheestelike Liedekens/ met groter neerstich eyt bi een vergadert |
|