Een devoot ende profitelyck boecxken

[p. 297]

⁺

+ Fo. C.xl.^v-Fo. C.xli.^r

N^o. CCLVIII.

❧ Op die wise Alle mijn ghepeys doet mi so wee/ mer den vijfsten regel singt tweewerf

ℂ Mathijs compere wt ionsten bequame
Maecte dese leysen om prijs/ in Christus name

1.
REyn maechdeken/ schoon/ onbesmet/
Ghi waert van edelen bloede
Ghi woonde te Nazareth
Ghesproten wt Iesses roede
Voersien had v die vader wel
Dies daelde die engel Gabriel
Met woorden snel/ na gods beuel
2.
Ghegroet sijt edel maghet soet
Van Gode wtuercoren
Alleen doer v groote ootmoet
Wert van v een kint gheboren
De helle sal dies hebben nijt
Ende tvoerburch wortter bi verblijt
Gebenedijt dies maget sijt
3.
Si sprac hoe sou dat geschien
Ende wert versaecht in desen
Si hadde groot wonder in dien
Hoe dattet mochte wesen
Dies hadde dit een dencken an
Want noyt erfsonde in haer quam
Van eenich man/ twas vreemde dan
4.
Het beliefde die hooghe drieuuldicheyt
Voer alle beghins beghinnen
Dat ghi doer v suyuerheyt
Der engelen val sout verwinnen
Ende versoenen tsondich leet
Dat Adam inden appel beet
Wt liefde heet/ si was bereet ||
5.
So sonder mans saet ter werelt quam
Eua/ eerst van Adame
Alsoe God menschelijcke natuere aen nam
In Marien suyuer lichame
Si baerde Iesum onuersaecht
Ende bleef moeder ende maecht
Wie dat beclaecht/ het heeft gode also behaecht.
6.
Doe Maria haer kint aensach
Heeft si hem minnelijc aen gebeden
Corts daer na den achtsten dach
Soe wert Iesus besneden
Des vaders gramscap heeft si ghestaect
Des menschen paeys heeft si ghemaect
Simeon naect/ is troost gedaect
7.
Dri coningen hebben dit verhoort
Iesum si neerstich sochten
Hoochlijc eerende, rechteuoort
Hem/ offerande sij brochten
Te Bethleem quamen si naer
Iaspar/ Melchior/ Balthasaer
Een sterre claer/ beleydese daer
8.
Si anbaden den here menichfout
Doende haer offerande
Met myrre/ wieroock/ ende gout
Ende keerden tot haren lande

[p. 298]

 

⁺

 

Mer doen Herodes dat vernam

 

Daer na so menich onnosel lam

 

In liden quam/ wt nide gram

 

9.

 

Gloriose princersse soet

 

Veriaecht van ons alle sneuen

 

Int wterste weest ons behoet

 

Daer onse siele sal beuen

 

Opperste moeder excellent

 

Weest onser sielen dan ontrent

 

Int leste ent/ schoon maget yent

+ Fo. C.xli.^r-Fo. C.xli.^v