Een devoot ende profitelyck boecxken

[p. 294]

⁺

+ Fo. C.xxxij.^r-Fo. C.xxxiij.^v

N^o. CCLV.aant.aant.

❧ Op die wise Vecy lamour qui tient mon cueur en payne oft Tant que ie viuray

ℂ Ter eeren Marien lof ende danck
Laureys baert dese leysene sanck.

1.
O Maria
Hebt eewich lof en danck
Die dwoert Eua
Verkeert/ tot aue dwanck
Dies make ick sanck
Van v reyn suyuer duecht
Want thoochste goet
Wt shemels heerscappie
Wert vleesch ende bloet
In v schoon maghet Marie.
Dies melodie ons nu geschiet ende vruecht
Schoon sacristie daer God in heeft verhuecht.
Lof al wt minnen
Met bliden sinnen
Maria reyn
Gods liefste greyn
Die Seraphinnen
Ende Cherubinnen
Louen v certeyn
Bouen alle vrouwen int shemels pleyn
2.
Die God behaecht
Maria is/ ende was
Moeder ende maecht
Si van haer kint ghenas.
Ghelijc doer een glas/ die clare sonne schijnt
Voort baerde net
Int baren sonder wee
Oock onbesmet
Nae tbaren schoon als snee
Int hoy bi beestkens twee
Heeft si gheleyt haer kijnt
Eylacy het weent alree
Want hem die coude pijnt
Lof al wt minnen Met bli. &c
3.
God schiep Adam
Sonder vrouwelijck saet
Sghelijcx soe quam
Oock sonder mannelijck daet
Int smenschen staet
Gods sone ghebenedijt ||
Maria in wien
Suyuerheyt vloeyt eenpaer
Sy was voersien
Van God/ tot dien vruchtbaer
Als spieghel net en claer
Die ons heeft al verblijt
Gheen smette en is in haer
Noch was in gheender tijt.
Lof al wt minnen. &c.
4.
Ezechiel
Een poorte sach/ si sloot
Die sijt ghi wel
Maria schoon roose root

[p. 295]

 

⁺

 

Ende Aarons rijs mingioot

 

V oock prefigureert.

 

Dwelck heeft ghebloeyt

 

Teghens natueren cracht

 

Dies is ghegroeyt

 

Een schoon amandel dracht

 

Tsghelijcx ooc God voersacht

 

In v ghepropheteert

 

Dies nu dijn vruchtbaer macht

 

Oock bouen al passeert

 

Lof al wt minnen. &c.

 

5.

 

Princesse yent

 

Vruchtbaer Cedar gheplant

 

Libanus ontrent

 

Schoon olijfboom playsant

 

Ghi staet soe triumphant

 

Al in des hemels velt

 

Ghelijck Cypres

 

Seer vruchtbaer inden berch

 

Van Syon es

 

Soe sijt ghi sonder erch

 

Onser alder vruchtbaer merch

 

Alsoe scriftuere vertelt

 

My arm sondich dwerch

 

In uwer gratien stelt.

 

Lof al wt minnen

 

Met bliden sinnen. &c.

+ Fo. C.xxxiij.^v-Fo. C.xl.^r