Een devoot ende profitelyck boecxken



[pagina 293]
Ga naar margenoot+
N^o. CCLIV.
Op die wise van Dat nieuwe iaer verblijt/ ghi die in slape sijt. ℂ Bi Balleken ront beseuen Was dese leysen wt ghegeuen 1. NU mensche v ontwect Stelt v in God perfect Al in dit dal van weene Gods moeder onbeulect Heeft ons als nu ontdect So soeten kindeken cleene 2. Stelt v om louen al Die sijt int swerelts dal Gods moeder wtuercoren Want van der sonden val Heeft si sonder ghetal Verlost die waren verloren. 3. Want doer Adams misdaet Waren wij allen beschaet Den hemel wert ghesloten Onser en was gheenen raet Niet voer dat suyuer saet Wt Iesse was ghesproten. 4. Die soete suyuer iuecht Wies op in alder duecht. Met een ootmoedich leuen Och mensche sijt verhuecht Wel ghi verbliden muecht Dat serpent heeft si verdreuen 5. Aue was Gabriels woort Om onser alder confoort. Maria ontsinck die groete Ick stelle mijn accoort Al in Gods wille voort Sprack si met soeten woorden \|\| 6. Gods gramschappe heeft si gheslaect Ende onsen pays ghemaect Ghebenedijt moet si wesen Die godheyt is ghedaect In haren lichaem naect Dies sijn wij alle ghenesen 7. Princesse ick soecke ootmoet Aen v Gods moeder soet Die maghet sijt ghebleuen Wanneer ic steruen moet Dat ghi mijn siele behoet Bi v int eewich leuen.	margenoot+ Fo. C.xxxii.^v-Fo. C.xxxiij.^r