Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend❧ Dese leysen gaet op den voys Frere fillibert reuenant de Paris.In spijt van alle die helsche ghesellen/
wilde sielen dese leysen stellen.
1.
EEn maghet soet
Reyn wtghelesen
Heeft ons van thelsce serpent beurijt
Haer suyuer bloet
Is vleesch bi desen
Met twoort geworden ghebenedijt
Gabriel om onser alder profijt
Ghesonden was van gode.
Dien God die vader heeft
Als des hemels hoochste bode
Dus laet ons al ghemeyne
Lonen Maria die suuer iuecht
Ende Iesum haer kindeken cleyne
Van haer gheboren is shemels vruecht.
2.
V groot ootmoet ||
Moeder vol trouwen
Heeft Christum wten hemel ghehaelt
Die goddelijcke vloet
| |
[pagina 289]
| |
Des hemels bedouwen
heeft v ter liefden gods bestraelt
Adams sculden heeft hi betaelt
Aent cruce/ dits claer bescreuen.
Ende tsvaders gramscap is ghedaelt
Al doer v vruecht verheuen
Dus laet ons al ghemeyne. &c.
3.
Het hemelsche licht
Opt aertsche rijcke
Heeft ons bewesen die waerheyt claer
O ghebenedide
Ende wech publike
God ende mensche eewich eenpaer
Voer dbeghin der werelt voer waer
Int secreet gods besloten
V dancken wij reyn maghet eerbaer
Wten boom van Iesse ghesproten
Dus laet ons al ghemeyne. &c.
4.
Die crachtighe cracht
Nye sijns ghelijcke
Is ons gheboren van eender maecht
Die machtighe macht
Van allen wijcke
Die claerheyt die ons claer bedaecht
Het hoochste dat god oyt heeft behaecht
Heeft voer ons willen steruen
Een sondich besmetten van ons veriaecht
Dwelck ons wilde bederuen
Dus laet ons al ghemeyne. &c.
5.
Ootmoedelijcke iuecht
Princesse vol ghenaden
Bidt voer ons uwen sone soet
Doer uwe duecht
Staet ons in staden
Al is ons leuen quaet
Doer sijn weerde precioes bloet
Dwelc hi ons heeft ghegeuen
O god die naect aent cruce stoet
Verleent ons v eewich leuen
Dat bidden wi alle ghemeyne
Moeder ende maecht reyn suyuer iuecht
Ende Iesum v kindeken cleyne
Van v gheboren is shemels vruecht.
|
|