Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 269]
| |
ℂ Op die selue wise ||1.
THis recht dat wij die maghet eeren
Ende altijt haren dienst vermeeren
Want si is maget/ ende moeder ons heeren
Nu wel God danck/ dat is der engelen sanc.
2.
Noyt saliger mensche en was gheboren
Bouen alle vrouwen is si vercoren
Groot van verdiensten so ghi moget horen
Nu wel god danc/ dat is der. &c.
3.
Ootmoedich van herten/ ende goedertieren
Huesch van zeden in alle manieren
Vol van duechden in Gods bestieren.
Nu wel god danc/ dat is. &c.
4.
Als Maria die suyuer clare
Oudt was ontrent. xv. iaren
Liet God de vader gramscap varen
Nu wel god danc/ dat is der. &c.
5.
In corter tijt/ in corter spacie
Sant God den engele/ te doen salutacie
Der ionger maghet vol van gracie
Nu wel god danc/ dat is der en. &c.
6.
Onse here god versach ons wel
Hi sprac totten enghel Gabriel
Gaet doet mi een boetscap snel
Nu wel god danc/ dat is. &c.
7.
Volwaerdich was de enghel Gabriel
Het was hem van dancke/ het ghereyde hem wel.
Hi wilde voldoen al gods beuel
Nu wel god danc/ dat is. &c.
8.
Te Nazareth so quam hi na
Daer hi in bedinge vant Maria
Hi sprac/ Aue plena gratia
Nu wel god danc/ dat is der. &c.
9.
Maria versaechde/ si liet haer lesen
Si sprac heer engel hoe mach dit wesen?
Ic en kende noyt man/ mi wondert van desen
Nu wel god danc. &c.
10.
Maria sprac hi/ en vreest niet seere
Den heylighen gheest van onsen heere
Sal in v dalen/ verblijt des seere
Nu wel god danc/ dat is der. &c.
11.
Och enghel sprack si/ so moetet mi
Gheschien alsoe ghi nu brenghet bi
Ecce ancilla domini
Nu wel god danc/ dat is. &c.
12.
Ter seluer tijt na dat verhalen
Liet God den heylighen gheest in haer dalen
Al in haer onbesmette sale
Nu wel God danc/ dat is der. &c.
13.
Daer bleef Maria met Gode bevrucht
Ioseph || vernamt/ dyes hadde hy ducht
Hy wildese laten/ hy coos die vlucht
Nu wel God danc. &c.
14.
Als God vernam dat Ioseph soude
Van Maria sceyden alsoe houde
Hy sant tot hem sinen enghel boude
| |
[pagina 270]
| |
Nu wel God danck dat is der. &c.
15.
Ioseph mijn vrient en twifelt niet
Maria v vrouwe en is niet ghescheynt
Van eenighen man verstaghet bediet
Nu wel God danck dat is. &c.
16.
Van dese tijt was Ioseph te vreden
Hi lietse riden/ hi ghinc beneden
Hi custese vriendelijck te menigher steden.
Nu wel God danck. &c.
17.
Alst was verloopen/ dach tijt ende vre
Ontrent neghen maenden wel ter cuere
Doe baerde maria in een scuere
Nu wel God danck. &c.
18.
Daer wert Maria vercoren moeder
Van Iesus kerst des menschen broeder
Van couden so weende des menschen behoeder
Nu wel God danck. &c.
19.
Ter seluer vre/ ten seluen tye
Dat god geboren was van marie
Doe was de lucht vol melodie
Nu wel god danck dat is. &c.
20.
Die engelen songhen ter seluer tijt
Nu wel nu wel wi sijn verblijt
Ons is gheboren een ghebenedijt
Nu wel god danck dat is der enghele fanck.
|