Een devoot ende profitelyck boecxken

[p. 266]

⁺

+ Fo. C.xix.(bis)^v-Fo. C.xx.^r R i

N^o. CCXXXI.aant.

1.
Laet ons met hoogher vrolijcheyt
Louen die maget der soeticheyt
Gods moeder wtuercoren
Daer Iesus af wilde sijn gheboren ||
2.
O suuer bloeme der reynicheyt
O edel sale der triniteyt
O onbeulecte lichaem fijn
Daer god wt wilde geboren sijn
3.
O Maria maget der edelheyt
O fonteyne der soeticheyt
O tempel alder weerdicheyt
O volle vloet der minnelicheit
4.
O edel rose wide ontdaen
Den foeten dau hebdy ontsaen
Die van den hemel is neder comen
Iesum Christum tot onser vromen
5.
O throon der hoogher moghentheyt
O bloeme alder vruchtbaerheyt
O troostersse alder droeuicheyt
O moeder der sachtmoedicheyt
6.
Lof/ eere/ hooge werdicheyt
Moet sijn der hooger mogentheyt
Ende die moeder der bermherticheyt
Moet gebenedijt sijn inder eewicheyt