Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Die selue wyse/ oft op Bloemkens schoon en die staen breyt. Ende is gemaect opten. xxxvi. ps1.
GHi Christenen wilt v toornen niet
Int voerspoet der goddeloosen ||
Noch trect aen v gheen verdriet
Om dat weluaren der boosen
2.
Want als gras sullen si vergaen
Haestelijc af ghesneden
Als groene cruyt werden si saen
Verdorret ende vertreden
3.
Set uwen troost alleen in god
Keert alle dinc in duechden
Blijft in v lant/ wilt alle ween
Int ghelooue vervruechden
4.
In God hebt altijt uwen lust
Wat hi geeft tsal v wel smaken
In sijn bewegen weest gherust
Betrout hi salt wel maken
5.
V rechtuerdicheyt als licht
Sal hi claer openbaren/
Ghelijct die middach al verlicht
Sal hi v recht verclaren
6.
Hout aen god wat hi v schinct
En toornet niet/ swijcht stille.
Als uwe viant voerspoet vinct
Doende nae sinen wille.
7.
En grimt noch en toornt niet
Wilt goed voer quaet gheuen
die god wacht in sijn lant bediet
Die quaet doet wort verdreuen
8.
Laet noch om eenen cleynen tijt
Den godloos onderwinden
Hi wert ghesocht breet en wijt
Maer niemant en sal hem vinden
9.
Mer die sachtmoedige dat lant
Met pays besitten sullen
Sonder der godloosen verbant
Die rasen ende dullen.
10.
Die quade ouer den goeden raest
Als van sinnen benomen
Mer god hout hem als sot verdwaest
Want sinen dach sal comen
11.
Die goddelose blooten haer sweert
Ende spannen haer boghen
Om te quellen den goeden weert
Die haer tot duechden wil poghen
12.
Haer sweert sal in haer herte gaen
Haer boghen sullen breken
Alle tquaet dat doer hen werdt ghedaen.
Sal in haer herte spreken.
13.
Den Christen is beter cleyn goet
Dan hoepen goets der bosen
Want God den weldoenden behoet
| |
[pagina 229]
| |
Den arm breect der godlosen
14.
God weet wanneer bi sal bestaen
Donsculdige te helpen
Sijn erue sal veel langer staen
Dan sine gulden schelpen
15.
Hem wert hoonde noch verwijt
In quader tijt begheuen
Maer hem wert in dieren tijt
Ghenoech om bi te leuen. ||
16.
Al waren godlosen als schat
Hooge in die werelt verheuen
Veel snelder dan een rosen blat
Werden si als roock verdreuen.
17.
De godlose bercht gern gelt
Dwelck hi gaerne behilde
Die rechtuerdige is vri gestelt
Bermhertich ende milde.
18.
Die van God wert ghebenedijt
Die sal besitten die erue
Mer die daer wert vermaledijt
This wel recht dat hijs derue
19.
Des menschen wegen sijn gheuoert
Van God in sijn behagen
Al valt hi/ hi blijft onberoert
In sijn hant wil hi hem draghen
20.
Ic ben van ioncheyt worden out
Noyt en heb ick connen vaten
Van rechtueerdigen arm oft cout
Noch haer kinder verlaten.
21.
Hy is bermhertich nacht ende dach
In Gods weghen ghetorden
Sijn saet sal ooc sonder beclach
Ghebenedijt worden
22.
Wijct vanden quade/ doende duecht
Ende blijft ewich leuen
God die sijn heyligen veruruecht
En wilse niet begheuen
23.
Eewich ende eewich bliuen si
Quade sullen verganghen
Diet goede lant besitten vri
Eewich sonder verlanghen
24.
Die mont der Christenen wijsheyt denct
Gheen onrecht en can bi clappen
Want God sijn wet int herte hem schenct
Bewegende sijn stappen
25.
Den christen die godlose aensiet
Dat hi hem mochte doden
Mer god die en verdoemt hem niet
Mer trect hem wten noden
26.
Verbeyt God in sinen wech
Ghi sult dat lant besitten
Die godlosen verstoot hi wech
Beschict ten helschen pitten
27.
Der godlosen ic eenen mael
Sach grouwelijc van doene
Machtich/ groot/ wijt/ als admirael
Ende als den lauwer groene
28.
Ic ghinc voort ouer/ ende siet
Ick sach ten allen winden
Ick vraechder na/ men vant hem niet
Hi en was niet te vinden
29.
Weest onsculdich ende siet aen
Na die rechtueerdichede
Want dat laetste van sulcken man
Is pays/ ruste/ en vrede.
30.
Die godlose sullen vergaen
Te samen cleyn ende groot ||
Ten lesten en sal niemant staen
Maer werden wech ghestooten
31.
Der gherechtiger salicheyt
Is van God/ ende ontfermen
Hi wilse in alle dierbaerheyt
| |
[pagina 230]
| |
Van ongheluc beschermen.
32.
God salse helpen so hi seyt
In goddelosen ontscouwen
Ende brenghen tot salicheyt
Want sij in hem betrouwen
|