Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
TOt groter weerdicheyt
Der hemelscher coninghinnen
Soe wil ick sonder verbeyt
Een lof nu gaen beghinnen.
Sy heeft ons allen verblijt
Lof si haer inden throone
In alle die werelt wijt
En was noyt gheen so schoone.
2.
Om die sonden van Adam
So waren wij al in liden
Tot dat dese maghet quam
Lof si haer tot allen tiden
Want si heeft ons beurijdt
Al vander helscher woone
In alle die werelt. &c.
3.
Hoe mach eenich mensche sijn
Alsoe ontsint van binnen
Die niet en dient dit maechdekijn
Dat daer is vol van minnen
wie haer begeert tot eenigen tijt
Si helpt hem sonder hoone
In alle die werelt. &c.
4.
Si is edel ende rijcke
Ende schoon bouen allc vrouwen.
Men vint niet haers ghelijcke.
Aen haer staet mijn betrouwen
Alle schoonheyt deser tijt
En is hier niet een boone
In alle die werelt. &c.
5.
Minen troost al aen haer staet
Si heeft een minnelijc wesen
Een ioncfronlijck ghelaet
Alle druck can si ghenesen.
Al in des hemels iolijt
Draecht si een gulden croonc
In alle die werelt. &c.
6.
Van vrouwen men wel leest.
Die schoon waren wtghenomen
mer voer haer is gheen geweest
Oft na haer en sal geen comen
| |
[pagina 224]
| |
Haers ghelijcke/ dyes seker sijt
Alsoe ick wel bethoone
In alle die werelt. &c. ||
7.
Laet ons dan hooghelijck
Dienen dese maghet puere
Inden hemel oft in aertrijcke
En was nye sulcke creatuere
Op dat wi na dit ouerlijt
Haer moghen hebben te loone
In alle die werelt. &c.
8.
O minnelike maecht
Beminde Gods vriendinne
Mijn hert al tot v draecht
Ghi sijt mijn liefste minne
O Maria ghebenedijt.
Bidt voer mi uwen sone
In alle die werelt wijt
En weet ick gheen so schone.
|
|