Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 205]
| |
ℂ Op die selue wise.1.
O Siele mijn
Wilt v verbliden
In Iesus minne
Die bloeyt in alle tiden
So wie daer in mach verbliden
Hi sal daer vruechden in vinden
2.
O Iesus minne
Is een fonteyne
Daer alle sondaren
Van sonden worden reyne
So wie daer in can gheraken
Si is ons allen ghemeyne
3.
Bedruct is dat herte mijn
Iesu wilt mi ontladen
V wil ick sijn
Ick roepe aen v ghenaden
Ick ligghe gheladen met sonden
Troost mi doer v vijf wonden
4.
O siele mijn
Wilt v bedincken
Ende die sonden vlien
Der minnen wijn
Sal ick v schincken
Al hadt ghi veel meer misdaen
Ic wil v in mijn gracie ontfaen
5.
Aylacen heere God
Ick mach wel claghen
Den voerleden tijt
En mach ick niet verhalen
Dies lijdt mijn herte grote pijn
Heere God wilt my ghenadich sijn
Al sonder respijt
6.
O siele mijn
Laet staen v claghen
Groot is die gracie sijn
Bi nachte ende ooc bi daghen
Keert v tot mi tot alder tijt
Ick make v van sonden quijt.
Ende ontsange v in mijn rijck.
|
|